17

نور مقدم کیس میں پولیس پر کسی قسم کا کوئی دباؤ نہیں، آئی جی اسلام آباد

اسلام آباد: آئی جی اسلام آباد قاضی جمیل الرحمان نے کہا نور مقدم کیس میں پولیس پر کسی قسم کا کوئی دباؤ نہیں اور تفتیش کے دوران جو بھی ملوث پایا جا رہا ہے اسے گرفتار کیا جا رہا ہے۔

وفاقی پولیس کے شہداء کی یاد میں منعقدہ تقریب سے خطاب کرتے ہوئے آئی جی اسلام آباد کا کہنا تھا کہ آج کی تقریب ان تمام فورسز کے شہداء کے لیے ہے جنہوں نے اس ملک، اس وطن میں امن کے لیے اپنی جانیں قربان کیں، شہداء کے اہل خانہ ہماری اولین ترجیحات میں ہیں، اسلام آباد پولیس نے تاریخ کا ایک بڑا کام کیا ہے وہ یہ کہ ہم نے شہداء کے 286 بچوں کو ملازمت پر مستقل کردیا اس پر وفاقی حکومت کے شکرگزار ہیں۔

پاکستان میں کورونا وائرس سے مزید 67 اموات رپورٹ، 3 ہزار 582 افراد کا ٹیسٹ پازیٹو
انہوں نے مزید کہا کہ اسلام آباد پولیس کے اہل کاروں کے لیے میڈیکل کی سہولت دینے کے لیے مختلف نجی لیبارٹریز کے ساتھ معاہدے کیے ہیں اور پولیس اہل کاروں کے لیے رہائش کی سہولیات فراہم کررہے ہیں جبکہ پولیس فورس کو نفری کی کمی کا سامنا ہے اس کے لیے کام کررہے ہیں۔

نور مقدم کیس کے حوالے سے آئی جی اسلام آباد قاضی جمیل الرحمان کا کہنا تھا کہ اس کیس میں ہمارے اوپر کوئی دباؤ نہیں ہے، تفتیش کے دوران جو بھی شخص ملوث پایا جارہا ہے اسے گرفتار کیا جارہا ہے، ہم میرٹ پر اپنا کام کر رہے ہیں اور اس کے لیے ہمیں وفاقی حکومت کی مکمل سپورٹ حاصل ہے۔

اس خبر پر اپنی رائے کا اظہار کریں

اپنا تبصرہ بھیجیں