40

اسپتال کے بیڈ پر بیٹھے اِس شخص کی تصویر میں کیا دلچسپ بات ہے؟ حقیقت جان کر آپ بھی تعریف کیے بغیر نہیں رہ سکیں گے

بھارت میں کورونا کی موجودہ لہر نے تباہی مچا رکھی ہے، روزانہ کی بنیاد پر لاکھوں مریضوں کو اسپتال لایا جا رہا جبکہ سینکڑوں افراد آکسیجن نہ ملنے کے باعث اپنی زندگی سے ہاتھ دھو رہے ہیں۔

تاہم اِس خطرناک حالات میں آئے دِن ملک سے تصاویر اور ویڈیوز سامنے آ رہی ہیں جن میں سے متعدد نے لوگوں کو خوف میں مبتلا کیا جبکہ کچھ نے ہمت کی مثال قائم کی۔

آج بھی ہم آپ کو ایسی ہی ایک تصویر کے بارے میں بتانے جا رہے ہیں۔

بھارتی ریاست اڑیسہ کے شہر برہم پور کے ایک اسپتال میں داخل کورونا کے ماسک پہنے مریض کی تصاویر انٹرنیٹ پر وائرل ہوئیں۔ چشمہ پہنے اور ماسک لگائے مریض نے اسپتال کے بیڈ پر کتابیں پھیلائی ہوئیں ہیں اور وہ ہاتھ میں کیلکولیٹر لے کر بیٹھے مطالعے میں مصروف ہے۔

دراصل وبا سے متاثرہ مریض علاج کے دوران چارٹرڈ اکاؤنٹس (سی اے) کے امتحانات کی تیاری میں مصروف ہے۔

میڈیا رپورٹ کے مطابق یہ تصویر اُس وقت کیمرے میں محفوظ کی گئی جب ضلعی مجسٹریٹ وجے کولینج اور کلکٹر نے اسپتال کا دورہ کر کے انتظامات کا جائزہ لیا۔

تاہم مذکورہ تصویر میں دیکھا جا سکتا ہے کہ مریض حفاظتی سوٹ (پی پی ای کٹس) پہنے تین افراد ان کے ساتھ بات چیت میں مصروف ہیں۔

اس خبر پر اپنی رائے کا اظہار کریں

اپنا تبصرہ بھیجیں