53

این اے 249 ضمنی انتخاب، مصطفیٰ کمال کو پارٹی ٹکٹ جاری

این اے 249 ضمنی انتخاب سے متعلق پاک سر زمین پارٹی (پی ایس پی) نے چیئرمین سید مصطفیٰ کمال کو پارٹی ٹکٹ جاری کردیا ہے۔

تفصیلات کے مطابق سید مصطفیٰ کمال پی ایس پی کے انتخابی نشان ڈولفن پر این اے 249 کے ضمنی انتخابات میں حصہ لیں گے۔
پی ایس پی کے صدر انیس قائم خانی نے الیکشن کمیشن میں سید مصطفیٰ کمال کی جانب سے پارٹی ٹکٹ جمع کروایا ہے۔
الیکشن کمیشن میں پارٹی ٹکٹ جمع کروانےکے موقع پر پی ایس پی کے سیکریٹری جنرل ایڈووکیٹ حسان صابر، وائس چیئرمین ایڈووکیٹ سید حفیظ الدین، ارشد وہرہ، نائب صدر ایڈووکیٹ صوفیہ سعید، جوائنٹ سیکریٹریز افتخار عالم اور محمد دلاور، رکن نیشنل کونسل ڈاکٹر سراج اور محمد نثار بھی موجود تھے۔

اس خبر پر اپنی رائے کا اظہار کریں

اپنا تبصرہ بھیجیں