58

ہر طرح کی احتیاط کی مگر اب کورونا ٹیسٹ مثبت آ گیا ہے: سچن تندولکر

انڈیا کے عالمی شہرت یافتہ سابق کرکٹر سچن تندولکر نے کہا ہے کہ ان کا کورونا ٹیسٹ مثبت آ گیا ہے اور انہوں نے خود کو گھر میں آئیسولیٹ کر لیا ہے۔
سنیچر کی صبح ٹوئٹر پر پوسٹ کیے گئے پیغام میں سچن تندولکر نے کہا کہ وہ کورونا سے بچنے کے لیے تمام احتیاطی تدابیر پر عمل کر رہے تھے اور ٹسیٹ بھی کروا رہے تھے۔

تندولکر کے مطابق گھر میں صرف ان کا کورونا ٹیسٹ مثبت آیا ہے دیگر افراد کے ٹیسٹ کی رپورٹس منفی ہیں۔ انہوں نے کہا ہے کہ وہ گھر پر آئیسولیشن میں ہیں اور وہ تمام احتیاطی تدابیر اور لازمی پروٹوکولز پر عمل کر رہے ہیں جو ان کے ڈاکٹرز نے تجویز کیے ہیں۔
خیال رہے کہ انڈیا عالمی وبا کورونا سے متاثرہ ان ممالک میں شامل ہے جہاں ایک لاکھ سے زائد افراد ہلاک ہو چکے ہیں۔
بین الاقوامی ذرائع ابلاغ کے مطابق انڈیا میں کورونا سے ایک کروڑ دس لاکھ سے زائد افراد متاثر ہوئے جن میں سے ایک لاکھ 61 ہزار کی موت واقع ہوئی۔

انڈیا کی متعدد ریاستوں میں اس وقت بھی کورونا کی وبا کا پھیلاؤ جاری ہے اور حکام شہریوں کو وائرس سے بچانے کے لیے مختلف اقدامات کر رہے ہیں۔
عالمی وبا سے بروقت نہ نمٹنے پر انڈیا میں بی جے پی کی حکومت کو اپوزیشن جماعتیں وقتاََ فوقتاََ تنقید کا نشانہ بناتی رہتی ہیں۔

اس خبر پر اپنی رائے کا اظہار کریں

اپنا تبصرہ بھیجیں