52

تعلیمی ادارے بند ہو رہے ہیں یا نہیں؟ شفقت محمود کا اہم بیان ہماری ویب

پاکستان کے وفاقی وزیر تعلیم شفقت محمود نے کہا ہے کہ کورونا کی تیسری لہر کی شدت میں‌ اضافہ ہو رہا ہے تاہم اس حوالے سے بچوں کی صحت سب سے زیادہ ضروری ہے۔

تفصیلات کے مطابق وفاقی وزیر تعلیم شفقت محمود نے سماجی رابطے کی ویب سائٹ ٹوئٹر پر اپنے پیغام میں کہا کہ این سی او سی میں صوبائی وزرا کا اجلاس 24 مارچ کو ہوگا جس میں صحت، تعلیم کے صوبائی وزراء شرکت کریں گے۔

شفقت محمود کا کہنا ہے کہ طلبہ، اساتذہ اور تدریسی عملے کی صحت کا خیال اولین ترجیح ہے جبکہ صوبائی وزرا کے ساتھ اجلاس میں تعلیمی اداروں کی بندش کا فیصلہ کیا جائے گا۔

ملک میں کورونا وائرس کے بڑھتے کیسز کے باعث این سی او سی کے آج ہونے والے اجلاس میں اہم فیصلے متوقع ہیں۔

اجلاس میں کورونا کے پھیلاؤ کو روکنے کے لیے اسمارٹ لاک ڈاؤن میں اضافے کے فیصلے سمیت امتحانات کے لیے کھولے گئے اسکولوں کو بھی بند کرنے کی تجویز پر غور کیا جائے گا۔

اس خبر پر اپنی رائے کا اظہار کریں

اپنا تبصرہ بھیجیں